22 kvm, 3 jenter, 1 morgon

"Brr..." og "pip-pip-pip" hylar det frå nattbordet
3 jenter er endå heilt på jordet
Etter litt fikling og romestering blir det stilt
Mobilen har gjort jobben sin, sagt mildt!
Me ligg i kvar vår seng
Og alle har ei blære på spreng
Men kven er først opp av dyna i dag?
"Ikkje eg" - tenker me alle i lag
Etter nokre tenkeminutt tassar to føter mot badet avgårde
"Æsj!" - tenker eg, og klør meg i håret
"Men nummer to skal eg iallefall vera,
eg tenker jo på denne blæra..."
Brått blir låsen i badedøra vridd opp
Dyna fèr - eg er ute av senga med eit hopp
Mumlar eit "God morgon" til den våkne frøknå
Ho har blitt så fresh frå ho var i mørknå
Det er tid for ein omgong med vatn og klut
Og blæra er ikkje lenger noko sut (puh!)
På med joggebukse, ullsokkar og truse
Men obs, dei andre to har dongeri og bluse
Hjelp! Kva skjer? Eg blir forvirra
Eg må ut på golvet og ein runde svirra
I ein fei er joggebuksa lagt i skapet
Me er blitt lite sjølvstendige i dette "ekteskapet"
Magen rumlar og ganen er klar
Plutseleg er me på kjøkkenet og frokosten inntar!